Mézami, fitintan kan in moune té i mète in linz nèv son bann konéssanss téi kass ali ti-boi pars té pa toulézour in moune kisoi in adilt, kissoi in marmaye té i gingn in linz nèv pou mète dsi li pars la rishèss lété arienk pou trépé, é lokissité té pou toulmoune.

Si mi di azot défoi lo linz maryaz téi sèrv ossi konm linz pou abiye lo mor, zot va panss mi égzazèr, poitan lété konmsa mèm. Pou kass lé kui té pa tro difissil : téi di soi lo kozman mwin la mark an o la, sansa téi di ossi : « Zot la kass mayi zordi ? » sansa « zot la gingn lavanss dsi kann, » osinonsa « Zot la tyé koshon ? ». Donk lété konmsi pou an avoir in linz nèv téi falé téi falé kass lo tir-lir. E lété konmsa pou vréman.

Alé ! mi kite azot rofléshir la dsi é ni rotrouv pli dvan sipétadyé.

Justin