Ni konpran bien sak kozman-la i vé dir. Li vé dir dé pèrsone i oi myé k’inn. Donk ou na moins lo risk tronpé si i fé kékshoz a dé. In légzanp ? In moun l’apré tir nivo pou fé in mir droit. Sa i marsh bien si na poin arien pou détourn la lign. Mé si toudinkou kékshoz i pran anndan, ala ké ou lé riskab fé in n’afèr tort.

Mé si ou lé a dé, ou na plis la shans inn i an-apèrsoi l’érèr é i koriz sa san tardé. Ankor in n’ot légzanp : lontan l’avé dmoun pou dékont in faktir. Mé apré sak i dékont nana sak i kontrol. L’èr-la, ou na plis la shans out faktir lé bien konté. Donk zot i oi bien ké nout provèrb lé bien adapté pou lo sityasion. Dann in ka konmsa nout provèrb i aplik bien.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot va oir ké rant-rant, i ariv tazantan ké ni pé tonm dakor rantre nou.

NB Son kat zyé sé son linète.