Mi rapèl kan nou lété marmaye lékol, nou zanfan la diréktriss nou téi oi bann zanfan dovan baro dopi gran matin ; lékol téi rante uitèr mé dopi sizèr néna marmaye té fine ariv dovan lékol.

Lantèrman té parèy pars pou la plipar d’moune si i done l’èr d’katrèr sé pou komanss la sérémoni sinkèr tapante. Si mi diré azot in zour lo prète la déssid fé réspèk l’èr… ébin sam la poz lo moune in gran problèm.

Mèm lékol : linspéktèr la désside marmaye lékol va rante dan la kour uitèr — moinn kar ébin sa la provok in gran déranzman pou bann marmaye konm pou zot paran.

Anfin tout zafèr sé inn késtyon dabitide é momandoné la vann révèye dann la boutik sinoi é ofiramézir nou la fé labitid avèk l’èr é zordi sé in kékshoz nou lé abityé. Mèm in pé i mète in poin d’onèr pou réspèk l’èr skripilèzman.

Alé ! Mi kite azot rofléshir la dsi é ni retrouv pli dvan sipétadyé.

Justin