(page 16)

Domoun i kroi mi sorte o Port. Alé oir, moin sé pa le marmay in sèl kartié, moin la fine viv partou dann La Rénion. Parlfèt, ousa mi sorte, mi koné pa. Kan mi sorte déor, i domann amoin kél kalité mi lé. Mi di kalité zanbrokal, akoz néna in pé toute nasion dan mon kèr.

Ousa mi sorte ? Sinon dann l’éxil.
Kèl ki lé mon lorizine ? Mi inm dir mon listoir i komans é i fini tèrlà minm.
Mé sa lé in pé tro kourte kom répons. Mi pouré dir mi sorte partou...
Na in pé va di : asé fouyé, kosa ou rod ? Mi rod mon dinité, mi rod mon lidantité.

Pousa mi trouv lidé inn kaz bann sivilisasion èk linité rénioné i donnré amoin in ropèr. Mi konpran pa kan na dé troi i vé ankor éfas nout listoir.
Tousak mi vé : in trass pou mon zanfan.

Zistin