Alèr i lé é si pou vréman, ni domann Granmèr Kal kèl èr i lé, lé riskab li fé anou pou répons’ : Kèl èr i lé pou ki ? . Rotromandi, par koman li pé ankor égrène lèr la vi, kan désertin i ézite pa dégiz ali an vié sorsière. Touzsit bon pou asiz si in bransh balé !

Lé vré, nou Rénioné, nout tipé d’san i monte kan, sak ané, ni voi nout lanvironeman polié èk in lariaz bann sorsière i sorte ayièr. Èk zot bransh balé, zot sitruiye é zot né an kroshé..., zot i arkonte anou in listoir. Zot listoire. Pa forséman la note !!

Mé la pa in rézon, sou prétèsk lite kont la konkirans’, transform nout Granmèr Kal an vilgèr sorsière. Si li souk si le kou d’minui, la pa pou arien. Sa nout santinèl rant la nuite èk le zour. Li èd anou voiyaz o finfon nout Listoir. O finfon nou mèm !!!

Justin