Na talèr sinkantan, kan konsey zénéral la désid siprim lo trin, la fé sa an misouk. An dous, san sokous, an dé tan troi mouvman, la koup kolé. Oki ti trin. A la pa zordi, kan sak lété kont la siprésion nout shomin d’fer i rode pou amète an plas, ou artrouve lo ban’ konplis sak la siprimé i vien di a ou : pli vite ke sa, kosa zot i atan’ ? Zot i voi pa lanbouteyaz nou lé dan ? Mé kisa lotèr foutor ?

Sak zot i vé pa voir, sé ké zordi i fé pi zafère an misouk : ek lo déba piblik, shakin i pé dir kosa li magine pou domin. Alon kozé, alon mèt’ ansanm !

Na in’ dé kaniki i di a ou kom sa, asé kozé, fé vite. Kom di kréol : i défan’ pa la mer bate et nout tout i koné la lang na poin lo zo. Ou pé pa din koté kasé, brizé é aprésa, di lé zot : kosa ou atan’ pou arangé ! Kom di nout kozé : kel trin ?

Justin