Sa in kozman moin la antann dimansh dann la boush in onm d’égliz apré fé son sèrmon. Zot i koné kosa moin la pansé ? Moin la pans la rolizyon malbar (hindou, si zot i vé !) l’apré détinn dsi lé z’ot-pran sa konm in plézantri ! Pou kosa ? Pars, pou sak i koné pa, an pèryod karèm nout bann konpatriyot malbar i manz pa ma vyann, na poin rolasyon séksyèl, i mète par koté tout pansé lé pa pir. Aprésa, i nétoiye bien la kaz, la kour é kan la fine fé in bon toilète, i alime la lanp. Sa moin la vi pratiké dovan moin é mi di azot franshman sé in n’afèr mi aprésyé. Konmsa mi konpran la vi ! Astèr si bann rolijyon, dizon plito bann pratikan, i pran l’égzanp inn dsi l’ot é si sé in bann bon pratik, mi trouv sa lé bien moin. Alé ! ni artrouv é obli pal o kozman : « Kèr prop ! Kor prop ! Kaz prop ! ». Ni artrouv pli d’van.