Médame, zé Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo vré masson.

Mézami, kozman-l mwin la antande sa dann tan mwin lété marmaye.mi rapèl mwin téi sava la boutik Mong-hune dann vilaze boi-d’nèf é dé troi moune té paré zoué domino. In pé i zoué volèr é kan i trape azot, zot té i di koman mwin la mark an-o la.

In mové règloman kan t même pars i aprande koman tiré si ou lé dann kondission wi pé tiré – tiré sé volé, é souvan défoi sa i malfini ; In pé i tire pars selon zot sa sé zot kouraz. In pé i manze o pyé é sa i pèrmète azot pa fé roul azot par sak i fé travaye azot.

Antouléka, in prinsipe konm mwin la marke an-o la, sa i amenn a d’moune bien loin. La plpar d’tan i amènn demoune dann malizé é sa i ariv san ké wi atande.

Alé ! Mi kite azot rofléshi la dsi é ni artrouv pli d’van. Sipétadyé !