Fransh vérité mi yèmré pa d’ète la plass médssin. Pars zot lé la pou soign demoune é guéri azot de préféranss pars si i guéri pa zot zorèye i doi siflé pars kossa in pé i dira pa.

Mwin la déza antann dir médsin maron mé sa sé plito pou bann guérissèr. Mwin la antann galman médsin l’ordinatèr pars in pé i panss zot lé la pou shof la kart demoune mé zot i koné mwin lé konm toulmoune, mi yèm malparlé.

épi néna lo vyé léspréssion ni antann souvan défoi : médsin lo sikré. Pars konm médikaman i paré zot noré in fèb pou lo sikré mé assiréman lo sikré i pé z’ète in médikaman.. Akoz pa ?kan wi koné in nouritir i pé nouri lo kor, mé li pé ossi soign lo kor konm ni di souvan pou bann plante.

Alé ! Mi arète la pars mi koné bien dann kozman kréol défoi néna la vérité, défoi néna lo kontrèr d’la vérité, défoi in vérité rolativ. Toutfasson, in kozman sé in kozman é pa pliss ké sa. Tout fasson l’om lé mortèl é si li l’été pa, ni konétré.

Alé ! mi kite azot rofléshir la dsi é ni retrouv pli dvan sipétadyé.

Justin