(Page 16)

Devan la défèrlante le “non” dann sondaz, le kan pou le “oui” i rékonforte ali konm li pé. Mé koman remonte dann lopinion ? Gilles de Robien, minist transpor, la trouv la parad. Pouk le “oui” i remonte, i sifi son bann partizan i "anfile zot blé d’ shof" !

Mizapar léfé komik asiré - mazine inpé bann rèsponsab l’UMP é poukoué pa le PS antrinn siyonne la France an blé d’shof ! - sé, parlfèt, in véritab déklarasion d’gèr. I sazi, in foi pou toute, “démine” bann zargiman pou le “non” ! !

Mi souèt bann rèsponsab l’UMP.S. bon kouraz. Mé, la ankor, mi trouv drol zot la pa pran konsèy èk Jean-Paul Virapoullé. Sé pourtan in gran léspésialis, kinporte le moyin, pou fé kapote la volonté popilèr. Li, omoin, noré pi di azot fé pa sa, parske : blé d’shof, sa kilote kondané pou in vèst asiré ! ! !

Justin