La natir lé kap désoune in moun, in péï. La natir lé kapab fé rés anou baba dovan son zoliès. Tandis térlà ni giny alé révé dovan volkan, ni komans oubli lo gou siklone. Ni pans pa zamé la sans nou néna, kan siklone i ariv ni koné, kan volkan i pét ni giny préparé.

Mé kosa ou vé fér kan la tèr i tranm ? Kan in kontinan i glis sou in not ? Sat la sokouy anlèr l’Inn la-o i rapél domoun la natir zot mèt. Sa ou giny pa anbaré, i rapèl anou koman ni lé pa rien. Solman la pa akoz nou lé pa rien, ni désoune pa la natir not tour. Télman ni vir ali d lanvér, ni koné klima la fine pérd la tèt, é siklone va rapèl anou sa, vé fé péy nout marmay.

Zistin