Oté

« Kisa i di aou poul i ronf si ou la pa dor dann z’ot park »

In kozman pou la rout

J.B. / 9 zwin 2018

JPEG - 43.6 ko

Sa in kozman pou dir ou i koné bien demoun si ou la viv dann z’ot proksimité. Sa lé sir pars si ou i oi in moun loin-an-loin ou i pé pa konète ali pou vréman. Mèm si ou lé dann son proksimité, i ariv dé foi ou i koné pa li pou vréman. Sa lé kon msa é pa otroman. Konbien foi i ariv ou i antann demoun apré di, in tèl sé z’ot voizin, zot i oi ali tou lé zour, mé zot té i pé pa pansé li lété konmsa dann in ka lo moun la fé in n’afèr grav pou vréman. Moin mi koné demoun i gingn kashyète z’ot défo é ou i dovine mèm pa son mové koté. Parl pi bann gran kriminèl an séri, i pass pou bon pèr d’famiy é in zour i apèrsoi lé pa vré. Alé ! Mi kite azot rofléshi la dsi é ni artrouv pli d’van. Sipétadyé !