Zot i souvien kozman Siklope la di avèk Ulysse ? Li la di : « Kisa i marsh kat pate lo matin, dsi dé pate lo onzèr, épi dsi troi pate lo soir ». Ulysse la réponn : « Sé l’om » é Siklope la afayi in kou nèt épi li la pouss in kriyé ziska glass lo san. Li l’avé poz in kol Ulyss mé sète la la dézoué son pyèz pou kékshoz sinp, pou kékshoz lé kouran vèye pa koman pou milyar é milyar d’moun. Sa i vé zis di in n’afèr : i fo in vi pou sort ti, pou grandi épi pou viéyi. Sa i fé pa an in zour. In vi sa lé gran é sa lé pti an mèm tan, mé i pé pa fé otroman. Na in l’az pou tèl shoz, in n’ot laz pou in n’ot afèr épi in n’ot ankor pou fé d’ot é d’ot zafèr. Alé ! Mi kite azot rofléshi la dsi é ni artrouv pli d’van sipétadyé.