Ni pé anparl problèm lojman an partikilyé pou le mou, e na pwin lo moiyin pou rèss dann in kaz san z’ète an-nuiyé épi san an-nuiye demoune. Ni pé anparl problèm travaye pars bonpé kréol na pwin travaye é mèm zot i pé pa okipe bann plass travaye vakan pars zot na pwin la formassio n pou sa. Néna problèm sékirité é ni ariv pa réglé é linsékirité in goumante ofir a mézir. Ni pouré ankor parl bann problèm santé é d’ote é d’ote ankor.

Alor ni antann in pé apré dir dann radio kossa bann politik i fé ? Réponss : arien vi k’zot lé okipé ranplir zot posh. Mi yèm bien bann kozé konmsa sirtou pars i larg sa dan la natir san rofléshir pou oir si lo bann politik an késtyon néna lo pouvoir d’fèr kékshoz-pa pou bate la lang pars sa zot néna lo droi fèr, mé mèm nou mèm na lo drpoi bte la lang — mé fèr kékshoz éfikass. Ni pé dir bann politik néna sirman bann zidé mé la plipar d’tan zot na pwin lo pouvoir.

Alor i fo savoir sak ni vé ? Lo pouvoir d’kozé san rézilta ? Osinonsa lo pouvoir pou azir ?

A bon antandèr salu !

Justin