Mézami kozman mwin la marke an-o la, par l’fète mi koné ali dopi lontan. Biensir noute toute i koné pou binyé lé obligatoir mouyé sansa mi oi pa kèl bin win pran ?

Astèr si lo kozman lé konm li lé, i fo ni sava fouye in pé pli o fon pou konprann ali pars bien antandi li néna son sanss prop — é sète-la lé klèr — épi son sanss zénéral, ni pé apèl ossi son sanss figuiré konm toute bann kozman néna.

Dann in ka konmsa mi rapèl sak in vyé madam la di amwin dsi dë zinnzan i frénkante ziska k’in zour la fiye lé an voi d’famiye. Konm i di ossi : « Toultan i frékante épi in zour i anfante. ». La prèv ké lé difissil bin-yé san mouyé.

Alé ! Mi kite azot rofléshir la dsi é ni rotrouv pli d’van, sipétadyé.

Justin