In bann éspésialis la fé in gran rénion sï la défans la natïr, la-ba dann la Bèljik. Zot la koz in bonpë, zot la ékri in bon pë-Gasparin-Brunet-Brunet-Gasparin ! épï zot la di ankor inn foi sak toulmoun i fini par konèt : la natïr lé an danjé, i fo shanj manièr : diminié bann gaz "à effet d’serre", fé la révolission sï la késtion n’ lénèrji.

Sï së késtion-la, nana dë manièr oir lé shoz , suivan k’ou sé in pti kolon, sansa suivan k’ou sé in gro vaza, in bann gro kapitalis.
Si ou sé in pti kolon, ou va koz konm mon bann kamarad la pa konm krab, la poin zéskréman dan la tèt : ou va dir shanj lé shoz sé fé la révolission tou-kour, pa solman in révolïssion dann lénèrji.
Si ou sé in gro vaza, in bann gran kapitalis, ou va di : konbien sa va raport amoin, konbien lë voul m’a gingn an plïss. Moin lé dakor pou in profi avèk dë shifr, a konté d’dis pou san.

Touléka, si i kontinyé konmsa, sé bann péi plï pov, pliss dann malizé k’va gingn lë kou.

Justin