Oplis, wi ékout déssèrtin politik kozé, oplis ou lé blizé romarké banna nana lorgèy-. Pou zot, sé zot ki koné miék sak nana la résponsabilité fèr, kossa I fo fè.
Vantrodi, lavé in séans konsèy rézional : lété lokazion pou bann soidizan z’amontrèr di koman solon zot i fo diriz in rézion, prépar lavnir, amène in bon politik larzan piblik. Zot I koz konm liv rouvèr, solman kan lo prézidan, I ésplik son manièr oir, I donn in pé la klé pou konprann manièr dévlop lo péi, zot I ékout mèm pa.
Nou, bann ti-kolon, kan ni rogard tousa-la, ni pé ète kontan konm trakassé : kontan akoz ni oi lo péi i sava dann shomin la modèrnité, lékipman, lo dévlopman dirab ; trakassé, akoz ni oi par nou-mèm, la pa toulmoun i vé dévlop La Rénion pou vréman.
Na inn -dé i rèv arienk kass sak la fine fé, anpèsh la suit... Dévlopman dirab lo péi ? La Rénion kan nora in million dmoun, lanploi konm k’i fo ? Zot lé pa la avèk sa, provik zot i gonf z’ot pla,, provik zot i fé lo konéssèr épi zot i pass zot tan pou fé valoir azot.
Konm di lo patoi : kok i shant, i kroi li-mèm i fé lèv solèy !

Justin