Souvan dé foi nana désèrtin i donn azot in mérit la pa zot lé propriyétèr. Sé lo ka dann nout kozman zordi dsi lo kok épi son l’inflyans li prétan li néna dsi solèye. Nana galman dann in fab La fontaine lo zistoir in moush i mazine sé èl i fé mont la voitir in kote in pé dir, d’apré sak i paré. Tousa pou dir, désèrtin i yèm pou vréman fé z’ot gro jabo, ziskatan demoun i apèrsoi zot l’apré kakil mantè. Sépa si zot i ansouvien zistoir in savan zamérikin la sèye fé kroir bann savan li la trouv lo sogré in maladi i apèl sida, poitan té pa li pou vréman, an touléka laté pa li tousèl. Alé ! Mi lèss azot réfléshi la dsi é ni artrouv pli d’van sipétadyé.