Lakey lo sit > Chroniques > Oté
« Kok k’i shante i kroi sé li k’i fé lèv solèye »
In kozman pou la route
zedi 30 zwin 2022, sanm
Médam, zé Méssyé, la sossyété, koz èk mwin sé koz èk in kouyon. Mé sé o pyé d’lo mir k’i oi lo masson.
Mézami sa i rapèl amwin in n’ot provèrb i di konmsa : « Mèm si kok i shant pa, solèye pou lévé kant mèm ». Toute fasson, sa sé in provèrb é konm tout pro vèrb li domand pou ète dékodé.
Mézami, konbien foi nou la antande demoune apré vante azot pou dé shoz ké zot la pa fé. In fasson fé konm lo kosh é la moush kan moush i kroi son tousèl li fé avans in karosse. Alé oir, zéro kalbass la fimé gran-boi. Pétète lo moune i fé sa pou done azot la valèr mé konm i di sé kan ou lé o pyé di mir k’i oi out kapab pou vréman.
Alé ! Mi kite azot rofléshi la dsi é ni rotrouv pli d’van. Sipétadyé.
Justin
