Dann-tan la, lavé dann nout péi, dé-troi kalité zésklav : in pë téi travay dann mézon, in pë téi travay dann bann z’ateliers coloniaux, navé sak té i travay dann bitasion "noir d’piosh". Z’ot sor té pa fantézi.

Gran matin téi fé pèt shabouk, sansa la klosh téi sonn pou donn signal pou lèv travay. Zot i travay près tou nï kisoi dann solèy, sou la plï, dann van ; jïs in bout la toil konm kash-mizèr. Konm manjé, té i donn azot mayi "broiyé" pétèt mayi kass an dë, sansa dë pin maniok. Komandèr i avèy azot shabouk dan la min : tansion pangar si i tyé pa l’kor dann travay. Tansion pangar, si i ariv dann bitasion an rëtar. Komandèr téi mèt azot pïnision : koud shabouk sï la fès tou-ni. Morso la po téi shap. Dé foi té pa possib azot asiz pandan in koup dë tan.

Kod noir té i défann donn bann zésklav plïs trant koud shabouk solman la loi té pa réspèkté : dé foi, zot téi gingn bon pé plïs. La nui, bann zésklav té plï lib : zot téi sava loin mem pou oir in kopine, sansa pou dans avèk bann dalon épï boir inn-dë kou fangourin.
O bout in pë d’tan zésklav i tonm dan la déprim : in bon pë i suisid.

Justin