Anon don ! ral gitar, roul roulèr, tshik kayanm, banbou, pikèr dan bal lakordéon. Akoz pa ! Ni fèt la mizik, ni fèt nout mizik. Roul lo rin la p’asé, mèt ankor bann dièz, souk nout kèr èk in bémol.
Zordi nana in takon konsèr po alé voir, dési Barachois, apréla dann tout komine, dann restoran, dann shemin. Somanké zot va antan, la pa bézoin koul zorèy dann marmit poi.

Soman, moin na in zafèr po di : afèr i rod mèt anlèr nout mizik, san valoriz nout bann mizisien. N’inpé la po manz galé, korbizé èk la rout an kornis, lo chik’ épisa, la disparision bann touris. Zordi minm i fo donn azot la min. Narté doss si té mèt larzan dan zot min. Akoz fèt-là lé gratui, sirtou kan nou koné lé malizé èt mizisien astèr. Koman i lé mizisien ? Léla, soman la posh tir bémol.

Justin