Mézami mi panss dopi lontan zot i koné kozman-la é sirtou kossa sa i vé dir ; sirman sa i vé pa dir i sava for, ni sa va mal mé kékshoz rante lé dé pou dir « konmsi-konmsa », dizon dan lé zapopré. Dé foi i di ossi « ti-lanp gran bobèsh »mé sa i aporte pa gran-shoz an pliss dann noute kozman.

Mi panss in lékspréssyasion konmsa, sa i doi z’ète prézan dan toute lang ; dann la lang fransèz i di bien « comme ci, comme çà ! ». Dan la lang bann zalman i di bien « so-so-la-la ». Mi rapèl in moune sour é in jenn-jan i oi li anpar la plui é i di ali : « La plui i tonm » é li réponn « pti pé » é sa i vé dir « in péti pé, nouvèl sa santé ».

Alé ! Mi kite azot rofléshir in pé la dsi é ni retrouv pli dvan, sipétadyé.

Justin