Oté

« Komann dann out kaz, komann pa dann sète lé zot »

In kozman pou la rout

Justin / 30 zwin 2020

JPEG - 43.6 ko

Mésyé zé Médam, la sosyété koz èk moin sé koz èk in kouyon, mé sé o pyé d’lo mir k’i oi lo mason. Mé zami, in kozman i arvien amoin ! Dann in zéléksyon la spass dann léspagn, l’avé dë kandida dë gran parti, inn kont l’ot. In kandida l’avé traka dann son ménaz é l’ot pou annarg ali téi di : « Avan ou i komann léspagn, komans par komand shé ou. ». Dann la politik demoun lé pa koul ditou mé sa la pa in promyé nouvèl pou zot-mi sipoz ! Astèr si ni arvien in pé dsi nout kozman pou moin shé ou, ou lé shé ou, néna dé shoz ou i pé fé, ou i sar pa fé shé lé zot. Shé lé zot, ou lé étranj ou la, donk ou i doi tienbo aou dsi out gard. Konmsa ou i réspèk lé zot é lé zot i réspèkt aou. Alé ! Mi kite azot rofléshi la dsi é ni artrouv pli d’van. Sipétadyé.