Lèr z’éléksion dépité l’arivé. In pé bann mèr la port kandida. L’èr la, zot i trouv i mank in bon pé zafèr dann zot prop komine. So kou isi, zot i akiz : agard lanboutéyaz dan la vil ! Koué ki atann pou fé in kontournman ? Agard bann ravine koman lé larg, koman i mèt lo moun dann danzé ! Kansa i fé in landigman, koué ki atann ? Agard bann lékol koman lé an dégréné ! Sa in bann batiman pou mèt marmay dédan sa ?

Dousman lé ga, i fo pa mèt l’otèr sï lé zot, alé oir sé ou la pa fé lo nésésèr ! Kisoi inskri dann out bidzé, kisoi domann la réjion, sansa l’état sibvansion sinon domann azot fé sak i fo. A bon, zot lé pa dakor avèk la Rézion, sansa avèk l’État ? Sa i marsh pa konmsa sa ! La fini lo tan shakènn té i fé son nafèr dann son koin. Koméla, i fo lantant pou mèt La rénion an l’èr.

Kant a bann « la pa moin sé l’ot », mi propoz azot réfléshi bien si kozman-la :

« Si ou lé dann in landroi i san mové, komans par argard sou out soulié, avan n’kozé ! ». Somanké, sé ou mèm la marsh dann in kétshoz i fo pa koz l’èr manzé ?

Justin