1.500. 1.500 sé lo kantité d’moune, mor ou sinonsa dispari, la dénombré laba a Haïti apré déliz la pli derniyié kou. 1.500 alèr zordi. Komm lo bann resersh i kontiniyié, lo bilan définitif i risk èt pli lour ankor !
Mé koman in lévénman osi natirel la pli i tombe, mèm si li done paké, i pé antrène in katastrof parèy ! Anparmi lo bann koz, nana in not shif i fo ni rotiyin : 80 poursan la foré i èkzist pi a Haïti. In lile touni, in lile san défans !!
Dopi lontan lo pèp aisiyin i kroupi dann in mizèr san non é son péi dann lo non-dévelopman. Son dé patate pou manzé i fé kuiy sa fé d’boi. La pa dot moiyin. Evidaman apré, la pli i fé la bou é la bou, komm antoran, i ral ali dann in mizèr pli gran ankor !!!