Oté

« Konfonn pa in koshon avèk in shoval do kours »

In kozman pou la rout

Justin / 25 novanm 2017

JPEG - 43.6 ko

Sa in kozman nout tout I koné asiréman. Vi k’bann vyèye pèrsone la rabash anou sa dann trou d’zorèy dopi lontan é pa arienk inn foi. Konm i di la pédagoji sé l‘ar la répétisyon. Donk afors répété, ni konpran. Ni rotien é ni konpran. Ni rozis sa dsi nout dis dir pèrsonèl. Mé kan mi ékrir : « ni konpran », kosa ozis ni konpran. Ni konpran in shoval dé kours sé in shoval de kours, in koshon sé in koshon. Lékèl na plis valèr ? Pou désèrtin sé lo shoval, pou d’ot sé lo koshon. Di konm moin la di sé lo shoval na plis la valèr, mé ni pé kant mèm poz lo késtyon. Alé ! Mi lès azot réfléshi la dsi é ni artrouv pli d’van sipétadyé.