Médam, Mésyé, La Sosyété koz èk moin sé koz èk in kouyon-sé o pyé d’lo mir k’i oi lo mason. Sak lé valab pou l’outromèr sé son kroiyans li lé pli sipèrprotézé, sipèrémé : lé fasil fé prann ali blan pou noir, makaroni pou la bouzi, po d’shanm pou pla kouvèr. Parl pi fé kroir ali dé +dé= sink sa sé in zé dzanfan pou lo kolonyalism. La pa bézoin étone azot si i di bann zafrikin lo fran Cfa sé in bénédiksyon pou zot konm fé prann azot in l’armé d’okipasyon pou in l’armé d’libérasyon-sa sé in n’afèr néna tou lé zour dann laktyaklité. Parèyman i pé fé kroir azot dann la révolt Sin-Lé, lo éro té pa Elie mé Figaro. Na poin trantsis solisyon, soi ou i tonm dann la konfizyon soi ou i tonm tou kour é listoir i mank pa bann sitasion konmsa-konm sa l’ariv in gro poigné shèf d’éta. Alé ! Mi kite azot rofléshi la dsi é ni artrouv pli d’van. Sipétadyé !