Médam, Mésyé, La Sosyété, koz èk moins é koz èk in kouyon mé sé o pyé ‘lo mir k’i oi lo bon mason. Mé zami moin la fine antann dir : « Konfyans lé mor, kouto dann do ! ». Mi pans inn é l’ot doi z’èe lo mèm zafèr. Mé koa i vé dir par l’fète ? Mi pans i vé dir akord pa ninport kisa out konfyans pars ou i pé z’ète désu. Mi rapèl in n’afèr l’ariv dann tan moin léé pti marmaye é moin la antann sa pars bann gran moun téi pans moin té i ékout pa zot. Kosa l’arivé par l’fète ? In famiy la vann son pto=i bien é in spèss satrape la anprète larzan avèk él san fé papyé. Mi fé konfyans ! Rézilta lo satrap la pa ranbours azot zamé é zot la fé névène par dsi névène san rézilta - lo satrap la pa rann épi la mèm pa gingn lo pli pti koudkongn, ni lo pli pti maladi. Alé ! Mi kite azot rofléshi la dsi é ni artrouv pli d’van. Sipétadyé.