Médam, méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo vré masson.

Zot i koné in n’afèr souvan-défoi demoune i jure zot i manti pa, i jur zot i di la vérité. La plipar d’tan d’apré mon souvnans nou téi di sinploman : « Bondyé i pini amwin si mi di pa la vérité. » Astèr mi sorte rogarde dann somi lo mo Daniel Honoré la fé é mi oi sak mwin la marké an-o la : «  loraz i kraz amwin an dèrnyé pti poussyèr  » mé mi rapèl pa si mwin la antande dir sa. Pétète zot la antande, zot, mé mwin non.

Antouléka juré i ve pa dir wi di la vérité pars dann fon oute kèr, wi pe demande pardon ?Pardon kissa ? Pardon Bondyé, biensir.

Alé !mi kite azot roflésh la dsi é ni atrouv pli d’van. sipétadyé.