Donk néna in lékonomist i apèl Zuckmann, la désside fé pass in taks la dsi késtyonn rétablir in pé la zistiss fiskal. Koman li la kalkil sa ? Li la parti rogarde dann bann shif épi li la vi bann zultra rish i débrouyye zot kari pou pèye moinss zinpo an poursantaz zot rishès… Donk néna in loi an diskission dovan lo Sénat pou mète in taks diféranssyèl konmsa toute bann zinpozab kissoi ultra-rish sansa non va pèye in mèm poursantaz zinpo.

Figuir azot Macron i fé in lémission radio é i domann la sokrétèr la CGT poz ali inn-dé késtyon ; lo madam i ariv épi el i poz son késtyon dsi la taks diféransyèl ni sorte an parlé ; Lo Prézidan rouz konm in kok i domann lo madam kossa v’arivé si i aplike la taks zucmann.. Lo madam i réponn i ariv ar pa arien pars sa va raporte l’éta 25 milyar l’éro an pliss shak ané..

Macron an kolèr mi di azot i di non ! Bann ultra-rish va baré !

Mi koné listoir la franss é sa i fé panss amwin la guèr avèk la Prusse dann bann zané 1870-1871 kan la franss la pèrde épi san konté bann téritoir in sorte l’amande 5 milyar fran or pou done lo vinkèr troizan d’suite. Kossa l’arivé figuire azot ? Ebin bann franssé la vann zot bijou épi la ède gouvèrnman péyé.

In ot tan, in ote manyèr ! Bann rish la bien shanjé finalman. A bon antandèr salu !

Justin