Zot i koné fèy sonz ? Sa lé konm k’i diré vèrni é dlo kan i tonm dési i koul tout suiy a tèr é i lès pa in tras. Donk i diré na poin l’éfé dsi li… Na dé foi ou i gingn in mové kozman, i fé aou kékshoz : out figir i asiz par ébzanp. Na dé foi ou I fé konmsi do riyin ditou : I oi pa in tras dsi out figir, i rouzi pa, i vien mèm pa blèm, i grimas mèm pa. Dann so dèrnyé ka – la, i di, l’éfé dsi ou lé konm lo dsi fèy sonz. Kansa sa i ariv ? Soi ou i donn pa l’inportans lo kozman pars konm di lo kont ou i pran pou la valèr, soi ou fé oir la pèrsone son kozman i fé pa ou arien.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot va oir ké rant-rant ni pé z’ète tazantan dakor rantre nou.