Mézami zot i koné fèye sonz, zot i koné ossi koman dolo i fé dsi ? Arien ditou. Li déboul an biye dolo, dopi an-o ziska an-ba, san mouye la fèye, mèm kissoi in pti guiguine. Pars néna konm in vèrni dsi la fèye é dolo i gliss. Sak mi di azot lé pa tro orizinal, mé ramenn sa pou in moune an parmi l’moune.

Fé aou sak wi vé, di aou kozman wi vé, sa i fé pa li arien-dizon i fé ali léfé konm lo dsi fèye sonze. Li s’anfoutsa. Di ali foute, zir ali, ménass ali, sa i fé pa li arien. Alor, pèrde pa lo tan avèk li pars ou lé sirésèrtin, avèk li, ou sar pèrdan.

Alé ! mi kite azot rofléshi la dsu é ni artrouv pli d’van. Sipétadyé.

Justin