Si zot la bien rogard fèye sonz, zot la fine oir li lé rokouvèr in léspès vèrni si tèlman kan ou i aroz ali, sansa kan la plui i tonm, tout suit li lé konm sèk avèk dé foi inndé pti pèrl transparan dosi.Donk li mouye pa inntyork.

Astèr, si ni rogard lo sans lo kozman dann la vi an sosyété sa i vé dir sinploman in moun in kozman sansa in kritik i toush pa li ditou :i fé ali ni fré, ni sho, arien ditou.Néna demoun lé konmsa : ou i pé dir ali « fout  » sansa  » m… », i kass pa la tète.

Dizon, égzaktoman konm lo dsi fèye sonz sansa konm lo dsi la plime kanar.Dé foi na d’gou ète konmsa pars ou i pé pran lé shoz konm l’arivé é sa lé pa pli mal ditou.Alé ! M ikite azot rofléshi la dsi é nou v’artrouv pli d’van. Sipétadyé !