In kozman pou la rout

« Kont pa d’zèf dann vant poul ! »

23 mars 2016, sanm Justin

Sa té in plézir marmay sa, kan téi tyé poul épi l’avé in grap zèf dan. Momon té i partaz, konm téi partaz lo foi, épi zézyé épi la trip bien kui. Mé in zour moin la bien gardé épi moin la vi in sèl zèf lé bien formé avek in kokiy in pé tann dési : i paré li tourn é rotourn vinn-katr’èr dann la posh zèf épi la kok i form. In sèl zèf par zour… Astèr lo provèrb i vé dir paryé pa dsi in grap zèf lé pa forsé k’i ariv a tèrm. Pli pir ké sa : alé pa tyé out poul pou trap lo zèf anndan. L’èr-la, ou lé riskab argrète out fars konm dann zistoir la poul i ponn zèf an or. Alé ! ni artrouv.


Signaler un contenu

Inn modékri, inn ti lavi, inn komantèr ?


Témoignages - 80e année


+ Lus