Mézami, mi panss zot toute i koné kozman–la, kossa li vé dire é koman i ansèrv dé li. Biensir nou l’apré anparl in proverb donk li néna in sanss prope épi in sanss figuiré.

Sanss prope na poin pou diskité é la pa bézoin bak+in ta pou konprande. Sanss figuiré souvan dé foi sa i diskite : lé vré sa i vé dire komanss par débrouye aou par ou mèm avan domande lé zot pou ède aou. Mé a bien rofléshir, ni viv an sossyété, é an sossyété néna in prinsip solidarité : si mi donn aou koud’min zordi, sé ou k’i done amwin kou d’min in n’ot zour é lo provèrb i di : « In min i lav l’ote. ». I fo ète solidèr é konmsa lé shoze va avanss myé. Toussèl wi sava pli vite, mé a dé wi sava pli loin.

Alé ! Mi kite azot rofléshi la dsi é ni artrouv pli d’van. Sipétadyé.