Oté

« Kont pa toultan dsi baton tonton pou sote la rivir ! »

In kozman pou la rout

Justin / 6 févrié 2019

JPEG - 43.6 ko

Mi pans nout tout i koné kozman-la, mèm si néna plizyèr fason pou di sa. Désèrtin i di mèm : « Kont pa dsi bato Gran papa… ». Sa la pa in n’afèr pou rann amoin kamu, pars nout kiltir lé oral é konm i di l’oralité i transmète konmsa avèk son pti diférans d’isi d’laba. Sak lé inportan, kan ou i di kozman-la, sé mète an poinn vizé l’asistans. In kékshoz k’i fé ké san li ou na poin lé zarm pou lité. Sa lé vré pou vréman pars konm i di si ou i kont pa dsi out prop fors é ou i kont solman dsi l’ède lé zot, i ariv, momandoné ou i gingn pi fé arien par ou mèm é pou tout zafèr ou a bézoin l’ède. Alé ! Mi lèss azot lo tan pou rofléshi la dsi é ni artrouv pli d’van. Sipétadyé !