Mézami, noute sossyété sé in drol sossyété : ni yèmré bien débrouye noute kari toussèl, mé nou néna touzour bézoin l’ède kelk’in. Sa i prouv nou lé limité dann noute kapassité… Néna in kozman l’afrik k’i di konmsa : pou lédikassion in marmaye i fo toute in vilaz é ni oi bien sa lé vré. In n’ote i di : toussèl wi sar pli vite é an groupe wi sar pli loin é sa ossi lé vré.

Donk ni doi konte dsi lé zot mé si lé zot sé in plansh pouri ? Wi konte dessu, mé pa tro pars si la koupe i ariv a manké ou lé toussèl. L’èr-la i vo myé ou néna in plan B.

Mi kite azot rofléshir la dsi é ni retrouv pli dvan, sipétadyé.

Justin