Mézami kozman nou la mark an-o la, sé in drol de kozman. I pé, si i mète sa an kréol, néna in ote manyèr di é i pé di : « Dizon mwin la pa gingn arien » é sa i ariv souvan défoi kan wi sèye fé bizness. Ou lé parti pou fèr dé z’afèr é final de konte zéro kalbass la fimé Gran-boi.

Mi rapèl étan pti mon papa l’avé in kamarade komèrssan é boug-la l’avé désside fé bizness avèk goni ; li la kalkil sorte Sin-Dni pou alé Sin-Philippe pars laba goni téi vande méyèr marshé ké Sin-Dni épi rovande ban ngoni Sind-Ni. Pou lo transpor li ashète in kamion mé kamion-la la zamé ariv Sin-Philippe, la rèst par-la dann sid pou manz zèrb.

Lo méyèr sé ké mon papa l’avé prète ali larzan pou lo biznèss é dann sète afèr sé li k’la pèrde larzan… Pa san pour san pars vintan apré lo boug la vni la kaz pou ranbourss larzan an prété. Si tèlman mon papa la pèrde ké l’inflassion.

Mi kite azot rofléshi la dsi é ni rotrouv pli d’van, sipétadyé.

Justin

NB Dann la famiye ni apèl sa « bann goni d’moro »kan wi fé in n’afèr foirèz.