Konte noute lotonomi énèrzétik : Di pa mwin sa lé pa fé éksepré !

6 désanm 2023, sanm Justin

Mézami zordi mi vé anparl azot in plante parétil néna toute sorte kalité : son nom, lo Kolza. Avèk kolza i fé luil, i fé tourteau, i fé langré vèr, i fé in dyéstèr pou ranplass ban produi pétrolyé dann motèr, i ansèrv sa galman dann l’izine éléktrik. Estra ! Sof ké ni plante pa sa issi La Rényon é sirman pou sa l’EDF donk l’éta franssé la fé lo shoi.

In bone shoz, sansa in movèz shoz ?

In bone shoz si ni oi pa pli loin ké lo boute noute né, pars sé in moiyin pou ranplass bann produi pétrolyé par in produi vèr i pèrmète diminyé lo fanaz gaz léfé d’serre… Konm ni koné sé zot i détrak noute klima.

In movèz si ni konsidèr sa in konm in moiyin pou bate atèr noute lotonomi énèrzétik possib. Mwin mi trouv banna i komanss fatig noute tété : Boirouz avèk le Gol i sava anpliss la bagass ansèrv bann biye de boi i sorte Canada — konm zot i oi la porte mon voizin.

Dézyèmm zafèr, i paré, dann karton l’EDF néna prozé pou fé bann pti lizine éléktrik va marsh avèk lénèrji nikléèr é konm zot i koné l’uranium é toute lo tintoin sa néna an éstok koté la kaz.

In nouvèl, lo lizine éléktrik lo Port li doi fourni anou 40 % léstréssité nou la bézoin. Sak i vé dir, si i ariv in zour i gingn pi akoz la guèr sansa d’ote konplikassion inporte lo dyéstèr pou fé tourn lo lizine ébin va fé konm i gingn — va fèr avèk plito va fé san.

Méssyé lo diréktèr l’EDF ou té apré parl lénèrji bann rényoné mé oute diskour i tienbo pa shomin sé lénèrji néo-kolonyal ou l’apré dévlopé… Mwin la santi ou té inpé anbarassé. Mézami si nou téi komann anou nou noré fé in médlé avèk solèye, noute biomass, lénèrzi éolienne, lénèrzi la mèr, lénèrzi volkan. Toussala pou trape noute lotonomi énèrzétik, sèl garanti pou in prodikssyon ékilibré.

A bon antandèr, salu !

NB La Franss la lanss in plan san milyar pou fé bann zéoliène marine mé La Rényon sré pa dsi la liste.

Justin

Padport Accord de Paris sur le climat Impasse du système néocolonial Energies renouvelables

Signaler un contenu

Inn modékri, inn ti lavi, inn komantèr ?

Bann modékri andann forom

6 désanm 2023, 19:36, sanm Arthur

Géothermie, vent, courant marin, soleil, voilà les solutions pour la Réunion, son avenir énergétique, touts ces énergies sont renouvelables, soit : illimitées à notre échelle, gratuites et disponibles localement, personnes ne dira mieux,ni le contraire, c’est quand même mieux que le charbon, le gaz ; le pétrole importé, sans oublier le nucléaire, aie aie aie sur le long terme ! Ainsi, on pourra alimenter les cases, les éclairages publics et le futur train le TER péi qui reliera St Joseph à Ste Rose enfin, aussi bien pour les gens que les marchandises, les conteneurs, oui, oui, c’est possible, le tout à 160 Km/h, pas mal non ? Alors en avant toute ! Sans oublier que cela créera du boulot pour les jeunes, plus ou moins diplômés mais aussi motivés pour s’en sortir, trouver de la dignité, c’est hyper important tout ça non ? Arthur.