Dopi moin lé né mi antan parlé "ti kontra". "Ti kontra" y shanz Lo nom konm y shanz prézidan, Zordi li apèl PEC, zis avan té CES. Si lo nom y shanz, le prinsip lé lo mèm : la prékarité ek in bas salèr. Kan ou na in ti kontra, sa y dir pa plis kin nan. Aprè sa i fo ou sa arbataye pou trouv in not travay pou fé viv out famy. Lé bien difisil konstrui in vizion, pou out famy dan in ka konm sa. Out premié é derniè sousi sé fé viv out famy, ou pé pa mazin plis. ashté in loto, konstrui in kaz, alé en vakans ek marmaye, ... rèv pa.

En plis ké sa, fo di la vérité, kan ou na in "ti kontra" dann in komin, ninportakel, dizon ou na poin la liberté exprime à ou.
I fo ou sa "marse" pou in kandida, pou li anbosh à ou kan li rant dann la mairi, mé si par malshans li la pa gagné, alors mazin pi travay la mairi pandan 6 zan ou moin.

Sé pou se rézon là kin dépité kominis la fé voté lé règle pou travayèr la fonksion piblik, en 1945, zistoman pou évit sitiasion konm sa. La Rénion, la règle y aplik pa é walà Lo travayèr dann la difikilté é la prékarité, koman ou vé kréol y avans ?

Syndika ek politik y di, "vo mié sa ké ress dann somaz", moin mi di "vodomié zot y batay pou in vré travay pou réioné".

A bon antandè, salu.