Mé wala néna lo problèm bann kontra PEC é innonb konékan bann kontra lé pa ronouvlé.d’issi d’laba, in pé partou dann La rényon demoune i anplègn pars zot nora pwin zot pti kontra d’ travaye. Konbien viktime ora dann sète afèr-la ? Ni koné pa ankor mé pou an avoir sir k’nora.

Arzout èk sa lékol èl mèm ni koné pa si va fonkssione an sékirité. Parèye pou bann mèrkrédi zénèss.-dann déssèrtène komine la fine dir sar siprimé.

Astèr bann zélu i fé fass in gouvèrnman i vé pa rovnir dsi son poinn-vizé. Promèss prézidan la fé ! Mé astèr Prézidan lé pa la èk sa é li vé pa rovnir dsi son déssizion li la pri néna o mwins dé manda.

Alor in pé i poz la késtyon : zot i domann pou kossa toulmoune i réini pa pou fé bann propozission korèk : korèk pou lo finansman bann koléktivité, korèk pou bann travayèr-travayèz. Pandan s’tan-la ni avanss dsi la rantré é ni vé ni vé pa, sirésèrtin lo péi késtyonn lékol i sava fé iin pa an aryèr plito k’avanssé.

Pou kossa toulmoune résposab i réini pa, omwins pou prézant in fron uni fass lo gouvèrnman, Pou kossa i gingn pa diskite ansanm sof pou anparl in sityasssion dépassé.

Tansion pangar ! Abon antandèr salu !

Justin