Ni di soiuvan la loi 19 mars 46 sé la loi l’égalité ébin kèl égalité si néna si tèlman la diféranss rante lé z’inn é lé zot. Aprésa néna karant pour san d’moune sou lo sèye la povretéé mèm in bon poursantaz demoune dann la privassion épi la mizèr. Arzout èk sa pou bann zanfan néna la moityé i viv dann in famiye pov é sa lé pa fè pou garanti zot l’avnir.

Mézami la ni parl pa madégaskar, ni lé Komor, ni d’ote péi demoune lé privé bonpé komodité. La ni parl la Rényon, départman dopi 1946, dann in péi sré parétil la sizyèm puissans du mond avèk toute promèss la fé anou dopi katrovin z’an ziska zordi.

Lo doktèr Raymond Vergès épi De Lépèrvanche l’avé zamé réklam sa pou n out péi.an kontrèr zot téi réklam inn vi korèk pou la popilassion é sirtou pa bann pti kontra pou bann travayèr, ni lo shomaz, ni lo mal dévlopman.

Ala lo fon dé shoz ! ala la trist réalité ! é manyèr k’i sava lo kontenu l’égalité lé riskab d’ète abnkor in mo kreu.… mé la korde i kass koté li lé faye konm téi shante dann in shanson bann zétidyan téi shante néna in bon koup de tan.

A bon antandèr salu !

Justin