Mi souvien, néna lontan, moin la lir dann in liv i apèl Mandingo, bann mètr apré an avoir ïz de kou lo bann zésklav, té i pas in sort pomad desï la po lo bann maléré pou tir la mark. Dann pomad-la, si moin la pa tronpé, navé de luil, piman,zinzanm épi d’ot koméraz ankor. I prétan, apré sa,la po banna té i briye, té zoli vèy pa.

Zistoir-la i vien dann mon tèt, kan mi oi gouvèrnman la Frans, tousa la jimnastik initil l’apré fé.
Apré an aoir doz bann ti-kolon depï sink an, astèr li prétan rann la vi méyèr pou banna. Sèrtin z’afèr pou biento, d’ot kan kok nora lo dan. Lé ga, la pa sa mem la pomad pou géri la soufrans ?

La pa zordi bann paran i mank larzan pou pèy la kantine ! La pa zordi bann sdf i dor sou fèy kartron ! la pa zordi, bann travayèr pov i dor dann in kok loto é-si, é-sa... Oté, bann vaza,lo tan larivé pou alé, alé !. La pa lèr fé prolongasion !

Justin