"Kamion l’arivé dann fénoir, la sèn la raklé plantèr, Trwamar la lévé, lé katrèr, manèv la krié" i shant Danyèl Waro. Zordi, si son kozman i rèss daplon, la pa loin i fo mèt, bann plantèr lé shikoungounié, i gingn pi travayé. Oté ! dan kat moi, la koup i rouv, koman bann plantèr i sar fèr ? Mi demann.

Déza, banna i vé i pèy azot sak i doi azot, olèrk sinié in moratoir pou pouss pli loin, sak noré pi pèy toudsuit. Anpliskésa, ala bann zagrikiltèr i doi tir dan zot posh pou détroi taks la lévé. Koman zot i sar fé si tout la bann lé o li ? Kane i koup pa tousèl, sa. Oté, gouvèrnman, arèt roul anou an sharèt shaviré. Lo kèr lo péi la pa loin palanké. Aprè, apèl ali "péi dévlopé". Nou la pa loin dir "la pa vré".

Justin