Mésyé, Médam, la sosyété, koz avèk moin sé koz èk in kouyon-sé o pyé d’lo mir k’i oi lo mason. Zordi mi poz azot in dovinète, in kosa in shoz, mi pans zot i koné dopi in bon bout tan. Normalman sé sak lé dir k’i dir pli lontan é sak lé mou i dir moins. Poitan, so kou isi sé lo kontrèr. Lir bien anlèr é zot va oir si moin néna rézon sansa si moin néna tor. Alé, mi donn azot in l’indis : ni pé dir sa lé dsi la figir d’moun. La figir d’moun ? oui biensir. Kosa lé mou é kosa lé dir dann la figir d’moun ? Zot i done zot lang lo shat ? Mèm si zot i done pa mi ariv o bout mon kozman sinploman pou dir azot sak lé mou sé la lèv é sak lé dir sé lo dan é la plipar d’tan lo dan la fine alé o maye avanla lèv. Zot i oi moin néna bien rézon. Alé ! Mi kite azot rofléshi la dsi é ni artrouv pli d’vn. Sipétadyé !