Hum, maldotèt sirman, grogro fièv po prézidan-là. Alala son politik lé kritiké. Kan lo pèp la désid zigil ali, sé lo vot i désid. Bann démokrat, gos kaviar, la fé palank bann répiblikin. Zakobin fransé i voi kosa i atann azot, mi espèr. 2007 i tard pa. Ankor, n’i koné pa kosa va espasé vréman. N’i koné koman la espasé an 2002. Mi lèss azot maziné.
Mé kan mèm, sé in viktoir mondial. Alala Ronald Rosfèld la désid poz son démision. Té pa tro to, mé lé zamé tar. Astèr i mank ti fanm-là Condoleezza Rice, Bush li mèm. Mé zot va di amoin, sa pa nout péi.
Ogard plito kosa gouvèrnman Bush la po fé si la tèr, koman son politik la po gonn la mizèr, la pèr, partou partou. Nout koté, n’i atann èk fèrvèr nout bann zélèksion. I mank anou rienk la gos i rant !!!

Justin