"La foss komine po in diktatèr", mi antann dann bann somin marsèy, dann kafé-bar, dann salon osi. José B. in larzantin la viv o Shili, la pèrd shapé konbienn zartis opozan kont gouvèrnman Pinoshé. Ala i anons sa mor, demoun la sort dann somin po fèt son mor. Ala plis 3.000 viktim diktatir-là, é nana détroi i oz dir zot i rogrèt pa rien. Foutor ! dann ékèl monn nou viv.

Li la gingn shap la zistiss. Li la sov la fass, li argrèt rien, li mèm li la di. Son fami ansanm. Oté, Michèle Bachelet, la prézidant shili, èl mèm èk son moman, son papa, la viv lo kalvèr.
Èl i doi fé in lomaz po tout sat la pèrd la vi po in lextrémis la mizèr, souténi par bann zamérikin lavé pèr bann kominis i rant o pouvoir dann in péi la pa azot. Anou, not koté, nou doi félisit madam la mor porézon èl la fé son zistis ? À 91 an, boug-là i sava, komsi nana bann zonèr po li.

Fé souvnans, anou ansanm, po tout sat la sobat po la démokrasi in péi. Fé souvnans, anou ansanm, po tout sat la vanz po la liberté in péi. La pa moin an-tou-ka i sar plèr la mor in diktatèr protézé.

Justin