In kozman pou la rout

« Koshon i grinp pa dsu pyé d’boi ! »

27 avril 2018, sanm Justin

Dann bann kozman pou la rout, i ariv, tazantan ni fé apèl bann zanimo. Zordi ni fé apèl koshon. Mi pans zot i koné lo kozman : pran in koshon pou in shoval de kours. Sansa ankor : konm in koshon dsi in razoir épi d’ot ankor. Tout fason vi bann léktèr témoignaz konm sa lé kiltiré dann nout kiltir popilèr, sak mi di la pa pou étone azot, la pa pou sirprann azot, la pa non pli pou anbriye z’ot léspri. Mé zot i oi bien néna dé shoz lé posib é d’ot lé pa posib é konm ni di souvan dé foi i fo pa domann l’inposib é in koshon k’i grinp dsu pyé d’boi sé in kékshoz inposib. Alé ! Mi kite azot rofléshir la dsi é ni artrouv pli d’van sipétadyé.

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus