Médame zé Méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami, néna lontan mwin té i vé anparl kozman-la, mé pou dir la vérité,sa in kozman mi yème pa pars li défan de inprinsip mi partaz pa– sète la soumissyon par raporte l’otorité. Sa i vé dir, kan la mète aou konm troizyèm rou la sharète-zistoman sak i égziss pa- kontante aou, sèye pa ranplass lo promyé ni lo dézyèm.

Sa sé in prinssip mi partaz pa, mwin la zamé partazé, é konm la vi i sava zordi mi panss pa m’a partaz ali in zour

In késtyon d’lédikassyon ?In késtyonn kiltir ? In késtyon d’tanpéraman la vi la fé pou mwin. Mi yèm pa bande lanprofitèr é nou lé zistoman dann in ka.La korde, zot i koné i ansèrv pou amar koshon é shak foi mi panss sa mi oi in koshon in korde tro minss épi tro dir apré déshire la shère, antaye son kolé, épi l’apré fé soufèr lo pov zanimo.

Alé ! Mi kite azot rofléshi la dsu é ni artrouv pli d’van. Sipétadyé.