Mézami néna lontan mi koné kozman-la mé si néna lontan lé pa forsséman ké mi yèm ali. Pou koué ? Pars sanm pou mwin sé in kozman i sorte loin dann noute listoir é mwin la bien pèr ké kan i koz konmsa, i koz lésklav avèk lo mète,osinonsa lo travayèr avèk son patron, pétète ankor lo noir avèk lo blan fitintan kan lo blan té in koulèr é lo noir lété pa inn pou la sossyété.

Mézami, pétète zot i panss mi viv ankor dann in tan dépassé, in tan la dominassion lé z’inn dsi lé z’ote tél rossan bien dann la sossyété alé oir koméla sa la fine éstonpé mé nanpèsh mi rossan ankor bann rapor d’dominassion la égziss pandan lontan… lo rapor dominé dominèr sou toute form dopi lo pèpléman la Rényon la komanssé.
Alé ! mi kite azot rofléshir ma dsi an éspèrna la majorité d’moune i panss pa konm mwin, i viv pa sa konm mwin épi lé fine pass a ote shoz. Ni artrouv pli dvan sipétadyé

Justin